ئەنجومەنی ئاسایش کۆبوونەوەیەکی داخراوی لەسەر پرسی عیراق کرد و نێردەی نەتەوە یەکگرتووەکان راپۆرتێکی پێشکەشکرد.
پێگەی ئەنجومەنی ئاسایش بڵاویکردۆتەوە، کۆبوونەوەکە تایبەتە بووە بە پرسەکانی بودجە و گەندەڵی و بێکاری و چاکسازی ئابووری و دارایی و پەیوەندییەکانی نێوان حکومەتی فیدراڵ و هەرێم و دۆخی ئەمنی لە عیراقدا.
لەو کۆبوونەوەیەدا، جێنین پلاسخارت نێردەی نەتەوە یەکگرتووەکان لە عیراق راپۆرتێکی دەربارەی دۆخی وڵاتەکە پێشکەشکرد و رایگەیاند، رێکەوتنی نێوان بەغدا و هەرێم لەسەر پرسی مووچە کارێکی باش بووە، بەڵام بەس نییە و نابێت مووچەی مووچەخۆرانی هەرێم بە سیاسی بکرێت.
سەرچاوە: شەفەق نیوز
