زاگرۆس نانەكەلی
لە ئەكادیمیای شەترەنجی هەولێر بە ئامادەبوونی سەردار ئیسماعیل بەڕێوەبەری گشتی وەرزش و ژمارەیەكی زۆر لە شەترەنجزانان و میوانان و دەزگاكانی راگەیاندن و میدیاكارانی وەرزشی، لە لەڕێوەرسمێكدا کتێبی (فێربوونی شەترەنج بە ئاسانی) لەلایەن نووسەر پشتیوان شێخ ئەحمەد راهێنەر و ناوبژیوانی نێودەوڵەتی ناسێنرا.
سەبارەت بە کتێبەکە نووسەر گوتی: بەرهەمی خولیا و خوێندنەوەم بەمنداڵی و هەرزەكاری لە بواری شەترەنجدا،کتێبێکی خنجیلانەی پێ لەدایكبوو،ئەمە نۆبەری نووسینەكانمە،بەم کارەم گۆمێكی قوڵم شڵەقاند،ئەویش نووسینە سەبارەت بە شەترەنج، هەروەها ووتی؛ کتێبەكە لە شەش بەش پێكهاتووە و خۆم ئامادەم كردووە بۆ ئەوەی بتوانین خزمەتێك بە یاری شەترەنج بكەین.
دواجاریش نووسەر کتێبەکەی بە ئیمزای خۆی پێشكەشی ئامادەبووان كرد كە لەسەر ئەركی خۆی چاپی کردووە.
