پاشنیوەڕۆی یەكشەممە 5ی 5ی 2024 وەفدێکی یەکێتی بەسەرۆکایەتی ئاراس محەمەد ئاغا، لێپرسراوی مەڵبەندی حەوتی نەینەوا، بەیاوەری وەفدێکی باڵای مەڵبەند بەمەبەستی پیرۆزبایی جەژنی قیامەی کەنیسەی رۆژهەڵاتی (السريانی) ئەرسەدۆکس، خوشك و برایانی مەسیحی لە سنووری پارێزگای نەینەوا، سەردانی کەنیسەی ناحیەکانی بەرتلە و بەعشیقە و بەحزانی لە سنووری پارێزگای نەینەوا کرد.
وەفدی یەکێتی ژمارەیەك کەسایەتی و ریش سپی و گەورەی پیاوانی کریستیانەکانیان بەسەرکردەوە و پیرۆزبایی سەرۆك بافڵ جەلال تالەبانی، سەرۆکی یەکێتیی نیشتمانیی کوردستان و سەرکردایەتی یەکێتیان گەیاندە خوشك و برا مەسیحییەکان و ھیوایان خواست ھەمیشە لە جەژن و خۆشیدابن، هاوکات پشتیوانی بەردەوامی یەکێتیان بۆ کریستیانەکان دەربڕی وەکو پێکهاتەیەکی سەرەکی لە پارێزگاکەدا.
#یەکێتیی نیشتمانیی کوردستان
