بافڵ جەلال تاڵەبانی لە قەڵاچوالان پێشوازیکرد لە نێچیرڤان بارزانی، سەرۆکی ھەرێمی کوردستان و وەفدی یاوەری کە پێکھاتبوون لە شێخ جەعفەر شێخ مستەفا و مستەفا سەید قادر جێگرانی سەرۆکی هەرێم.
لەکۆبوونەوەکەدا شاناز ئیبراهیم ئەحمەد، کارگێڕی مەکتەبی سیاسی و قوباد تاڵەبانی، سەرپەرشتیاری مەکتەبی سکرتارییەتی سەرۆک مام جەلال و جەلال شێخ ناجی، سەرۆکی ئاژانسی پاراستن و زانیاری-زانیاری هەرێم و وەهاب هەڵەبجەیی، بەڕێوەبەری گشتی بەڕێوەبەرایەتی دژەتیرۆر و ئاکام عومەر، فەرماندەی هێزەکانی کۆماندۆ ئامادەبوون.
