هۆشمەند حەسەن میرزا رەشید کاندیدی ژمارە ٢٥ لەسەر لیستی یەکێتیی نیشتمانیی کوردستان لە سنووری پارێزگای دیالە ژمارە ١٢٠ رایگەیاند: بارودۆخی ناوچە دابڕێنراوەکان زۆر خراپ و ناجێگیرە، ئەو ناوچەیە بە شێوەیەکی ترسناک پشتگوێ خراوە.
هەروەها ئاماژەی بەوەشکرد، خزمەتگوزاری لە سنووری جەلەولا نزیک بووەتەوە لە سفر و تەنانەت کەرتی رێگەوبان و هاتوچۆ تەنگەژەی بۆ دروست بووە.
هاوکات ئەوەشی خستەڕوو، کێشەی جوتیارانی ئەو سنوورە کە ناوچەیەکی گەورەی کشتوکاڵییە لە هەموو عیراقدا، کێشەیەکی گەورەیە و تاکو ئێستا چارە نەکراوە.
باسی لەوەشكرد عەرەبی هاوردە لە چەند ناوچەیەکدا دەستیان بەسەر زەوییە کشتوکاڵییەکاندا گرتووە و هەڕەشە لە زەوییە کشتوکاڵییەکانی تری ناوچەکانی تریش دەکەن. بۆ ئەوەش پشت بە بڕیارێکی حکومی سەردەمی رژێمی بەعس دەکەن.
سەرچاوە: KirkukTV
