دکتۆر فاتیمە فەرحان کاندیدی ژمارە ٢٠ لەسەر لیستی یەکێتیی نیشتمانیی کوردستان لە سنووری پارێزگای دیالە ژمارە ١٢٠ سەبارەت بە دۆخی کەرتی تەندروستی لە خانەقین، رایگەیاند: بە هەموو شاری خانەقینەوە، تەنیا یەک نەخۆشخانە و یەک بنکەی تەندروسی هەیە و ئەوەش بە هیچ شێوەیەک بەشی هاووڵاتیانی خانەقین ناکات.
هەروەها وتیشی دەرمان و ئامێرەکانی پشکنین بەشی هاووڵاتیان ناکات. بۆ ئەوەش بە هیچ شێوەیەک رەچاوی زۆری ژمارەی دانیشتووان نەکراوە.
هاوکات هۆکاری ئەوەشی بۆ کەمتەرخەمی لێپرسراوە حکومییەکانی پارێزگای دیالە گەڕاندەوە، کە بودجەی تایبەتیان بۆ تەرخان ناکرێت. لە بەرامبەردا زۆربەی دەرمانەکان ئێستا لە ئیدارەی گەرمیانەوە دابین دەکرێت.
سەرچاوە: GKsat
