ریاز محەمەد نەجیب کاندیدی ژمارە ٢٠ لەسەر لیستی یەکێتیی نیشتمانیی کوردستان لە سنووری پارێزگای دیالە بە ژمارە ١٢٠ سەبارەت بە دۆخی گەنجان لەسنووری قەزای خانەقی و ناحیەی جەلەولا، رایگەیاند: چین و توێژە جیاوازەکانی ناوچە دابڕێنراوەکان بە تەواوی پشتگوێ خراون.
هەروەها وتیشی رێژەی بێکاری لەناو گەنجان ئەو سنوورەدا، بە رێژەیەکی بەرچاو بەرزبووەتەوە بە جۆرێک رێژەی بێکاری لەناو گەنجانی خانەقی لەنێوان 60 تاکو 70٪ دایە و ئەو رێژەیە بەرەو بەرزبوونەوە دەچێت.
هاوکات ئاماژەی بەوەشکرد، لیستی یەکێتی کە ژمارەکەی ١٢٠ ە پرۆژەی بۆ رەخساندنی هەلی کار و خزمەتگوزاری زیاتر داڕشتووە. ئەوەشی بەستەوە بە زیادکردنی نوێنەرانی کورد لە پارێزگای دیالە بۆ ئەوەی لەپترۆدۆلاردا، پشکی خانەقی و جەلەولا و بنکورە و قۆرەتوو و جەبارە و قەرەتەپە وەربگیرێتەوە.
سەرچاوە: Kurdsat
