سەرچاوەیەک لە وەزارەتى دارایى حکومەتى هەرێمى کوردستان رایگەیاند، چاوەڕوانین سبەی یان دووسبەى، وەزارەتى دارایى عیراق بڕیار لەسەر ناردنى پارەى دیکە بۆ مووچە بدات.
سەرچاوەیەک لە وەزارەتى دارایى و ئابوورى حکومەتى هەرێمى کوردستان وتی "وەزارەتى دارایى عیراق داواى کۆدى هێزەکانى ناوخۆ و پێشمەرگە و سێ سەرۆکایەتییەکەى کردووە و رۆژى پێنجشەممە رەوانەى وەزارەتى دارایى عیراق کراون. هەرکات بەغدا پارەى دیکە بۆ مووچە رەوانەکرد، ئەنجومەنى وەزیرانى هەرێمى کوردستان بڕیار لەسەر خشتەى مووچەو دابەشکردنەکەى دەدات.
ئەمڕۆ شەممە 23ى ئازار، 51 رۆژ تێپەرى بەسەر دابەشکردنى مووچەى کانوونى دووەمى ئەمساڵ کە وەزارەتى دارایى لە دووى شوباتدا، مووچەى مانگى یەکى مووچەخۆرانى هەرێمى کوردستانى دابەشکرد.
