دامەزراوەی سەرۆک جەلال تاڵەبانی: کوردستانی نوێ رۆڵێكی كاریگەر دەگێڕێت

08:39 - 2024-04-03
کوردستان
123 جار خوێندراوەتەوە

دامەزراوەی سەرۆک جەلال تاڵەبانی پیرۆزباییەکی ئاراستەی د.عەدالەت عەبدوڵڵا، سەرنووسەری نوێی رۆژنامەی کوردستانی نوێ کرد.
لە نامەیەکی پیرۆزباییدا، باڵیۆز د.محەمەد سابیر، سەرۆکی دامەزراوەی سەرۆک جەلال تاڵەبانی، رایگەیاند، گەرمترین و جوانترین پیرۆزبایی ئاراستەی سەرنووسەری نوێی کوردستانی نوێ دەکەین و هیوای سەرکەوتنی بۆ دەخوازین لە ئەرک و کاری نوێدا، هیوادارین بە هێز و توانایەکی جیاوازە و داهێنانی نوێوە دەستپێبکات.
هەروەها وتیشی: ‎‎کوردستانی نوێ؛ رۆژنامەیەکی نۆبەرەیە و جێگەی شانازی هەموانە، دڵنیام تواناکانی سەرنووسەری نوێ وادەکات زیاتر بیکەیتە سەرچاوەی هەواڵی رۆژانەمان، هەموان دەزانین پشتبەستن بە فکری سەرۆک مام جەلال هەمیشە دەرگای کراوە و لەسەرپشت بووە بۆ بڵاوكردنەوەی رەخنە و بیروڕای جیاوازی رۆشنبیران و نووسەران لەم رۆژنامە جوانەدا.
باسی لەوەشکرد ئەم رۆژنامەیە بە وێبسایت و پەڕەکانی لە سۆشیاڵ میدیا رۆڵێكی كاریگەر لە بەرگریكردن لەبیری نیشتیانپەروەری، ماف و ئازادییە گشتییەكاندا دەگێڕێت.

بابەتە پەیوەندیدارەکان