كوردستانی نوێ- ئیدریس جەبار
د.ئەمین عەزیز جەواد كە ئەندامی مەڵبەندی یەكێتیی نیشتمانیی كوردستانە، وەك بەڕێوەبەری گشتیی وەبەرهێنانی پارێزگای سەلاحەدین، هەڵبژێردرا.
لەوبارەیەوە د.ئەمین عەزیز لە لێدوانێكدا بۆ كوردستانی نوێ، رایگەیاند: پۆستەكە، ماف و شایستەی یەكێتیی نیشتمانیی كوردستانە لە پارێزگای سەلاحەدین، وتیشی: وەك نوێنەرێكی كورد لە پشكی یەكێتیی نیشتمانیی كوردستان بە هاوبەشی لەگەڵ سەرجەم لایەنەكاندا كاردەكەین و هەوڵدەدەین خزمەتی كورد و سەرجەم پێكهاتەكان بكەین بەبێ جیاوازی.