سەرۆک کۆماری عیراق سەردانی هەولێر دەکات

بڕیارە ئەمڕۆ سەرۆک کۆماری عیراق سەردانی ھەولێر بکات و لەگەڵ لێپرسراوانی باڵای ھەرێمدا کۆببێتەوە.
ئەمڕۆ د.لەتیف رەشید سەرۆک کۆماری عیراق سەردانی شاری ھەولێر دەکات و لەگەڵ سەرۆکی ھەرێم و سەرۆک و جێگری سەرۆک وەزیرانی ھەرێم کۆدەبێتەوە. لە دیدارەکاندا پرسە سیاسی و ئەمنی و ئابوورییەکان و رەوشی عیراق و ھەرێمی کوردستان تاوتوێ دەکرێن.
بڕیاریشە سەرۆک کۆمار بەشداری کۆنفرانسی ژینگە بکات کە لە شاری ھەولێر بەڕێوەدەچێت.