جارێکی تر لە بەغدا هێرش کرایە سەر دوو کۆمپانیای ئەمریکی و بەریتانی.
لەو بارەیەوە میدیاکانی عیراق، رایانگەیاند: بەرەبەیانی 30/5/2024 هێرشکراوەتە سەر لقی کۆمپانیای کاتەرپیلەر لە ناوچەی جادرییە لە سەنتەری شاری بەغدا. ئەو کۆمپانیایە تایبەتە بە کەرەستەی بیناسازی و کۆمپانیایەکی ئەمریکییە.
هاوکات هەر ئەمڕۆ، بە بۆمبی دەستی هێرش کراوەتە سەر پەیمانگای کامبریجی بەریتانی. لە هەردوو هێرشەکەدا، زیانی مادی کەوتووەتەوە و زیانی گیانی نەبووە.
