وەزارەتی پەروەردەی حکومەتی هەرێمی کوردستان، خۆی بۆ بەڕێوەچوونی تاقیکردنەوە گشتییەکانی پۆلی 12 ئامادەکردووە، کە بڕیارە لە 23/6/2024 دەست پێبکات.
لەو بارەیەوە ئالان حەمەسەعید، وەزیرى پەروەردەى حکومەتی هەرێمى کوردستان، رایگەیاند: بە تەواوی خۆیان بۆ تاقیکردنەوەى گشتى پۆلى 12ی ئامادەیی ئامادەکردووە و پرسیارەکانیش دانراون.
هەروەها وتیشی: پێش تاقیکردنەوەکان پرسیارەکان لە هیچ پارێزگایەک نابێ و بۆ گواستنەوەی پرسیارەکان و گەیاندنیان بە پارێزگا و ئیدارە سەربەخۆکان هەماهەنگى لەگەڵ پۆلیس و ئاسایش کراوە.
هاوکات ئاماژەی بەوەشدا، لە بەڕێوەچوونی تاقیکردنەوەکاندا، وەزارەتەکانى ناوخۆ و کارەبا بۆ دابینکردنى ئاسایش و کارەبا بۆ هۆڵەکانى تاقیکردنەوە هاوکار دەبن و بۆ ماوەیەکیش ئینەتەرنێت لە هەرێمی کوردستاندا دەپچڕێنرێت.
