ئیدریس جەبار
كۆمسیۆنی باڵای سەربەخۆی هەڵبژاردنەكان، هەلێكی تر دەداتە ئەو حزب و لایەنانەی پێشتر بایكۆتی هەڵبژاردنیان راگەیاندبوو.
جومانە غەللای وتەبێژی كۆمسیۆنی باڵای سەربەخۆی هەڵبژاردنەكان لە عیراق، لە لێدوانێكی تایبەتدا بۆ كوردستانی نوێ، رایگەیاند: پاش ئەوەی بڕیاری كورسیی كۆتاكان لەلایەن ئەنجومەنی باڵای دادوەری بۆ هەڵبژاردنی پەرلەمانی كوردستان دەركرا بەشێوەیەك دوو كورسی بۆ سلێمانی و دوو كورسی بۆ هەولێر و كورسییەك بۆ دهۆك، كۆمسیۆنی باڵای سەربەخۆی هەڵبژاردنەكان، هەلێكی تر دەداتە ئەو حزب و لایەنانەی پێشتر بایكۆتی هەڵبژاردنیان راگەیاندبوو.
ئاماژەی بەوەشكرد كە بەپێی بڕیارەكەی ئەنجومەنی باڵای دادوەریی، دەرگا بە رووی تۆماركردنی كاندیدی پێكهاتەكاندا دەكرێتەوە.
