دوای پشووی جه‌ژن

״ئه‌نجومه‌نی پارێزگای كه‌ركوك كۆده‌بێته‌وه״

01:13 - 2024-06-11
عیراق
73 جار خوێندراوەتەوە

ته‌ها عه‌بدوڵڵا

رێبوار ته‌ها سه‌رۆكی فراكسیۆنی یه‌كێتیی نیشتمانیی كوردستان له‌ ئه‌نجومه‌نی پارێزگای كه‌ركوك به‌ كوردستانی نوێ-ی راگه‌یاند: چاوه‌ڕوان ده‌كرێت له‌ دوای پشووی جه‌ژنی قوربان، كۆبوونه‌وه‌ی ئه‌نجومه‌نی پارێزگای كه‌ركوك به‌ڕێوه‌بچێت، دواتر گفتوگۆكان له‌باره‌ی هه‌ڵبژاردنی پارێزگار له‌نێوان لایه‌نه ‌براوه‌كانی نێو ئه‌نجومه‌ن به‌رده‌وام ده‌بێت.

وتیشی: تائێستا نه‌توانراوه‌  هیچ رێككه‌وتنێك  بۆ هه‌ڵبژاردنی  پارێزگار بكرێت،  هه‌رچه‌نده‌ به‌ سوپاسه‌وه‌ سه‌رۆك وه‌زیرانی عیراق، سێ كۆبوونه‌وه‌ی له‌گه‌ڵ پێكهاته‌كانی كه‌ركوك و لایه‌نه‌ براوه‌كاندا ئه‌نجامداوه‌، راشیگه‌یاند: پێویسته‌ هه‌موو لایه‌نێكی سیاسی رێز له‌ ده‌نگی خه‌ڵك و ئه‌نجامی هه‌ڵبژاردن بگرێت، كارێك بكه‌ن بۆئه‌وه‌ی به‌زووترین كات ئه‌نجومه‌نی پارێزگا بكه‌وێته‌ كار و  پارێزگارێك هه‌ڵبژێردێت، ئاماژه‌ی به‌وه‌ش دا: بۆچوونی یه‌كێتی و په‌یامی سه‌رۆك بافڵ، ئه‌وه‌یه‌ سه‌رجه‌م پێكهاته‌كانی كه‌ركوك به‌شداربن له‌ ئیداره‌ی  پارێزگاكه‌ و هیچ لایه‌نێك فه‌رامۆش نه‌كرێت، ئێمه‌ ده‌مانه‌وێت خزمه‌تی خه‌ڵكی خۆمان و ته‌واوی پێكهاته‌كان بكه‌ین به‌بێ جیاوازی.

#کەرکوک

بابەتە پەیوەندیدارەکان