لە بەرامبەر دانانی بورجەکانیان، کۆمپانیایەکی خزمەتگوزاری گەیاندن پابەندکرا باخچەیەک لە گەرمیان دروست بکات.
لەو بارەیەوە فەرمانگەی ژینگەی گەرمیان، رایگەیاند: لە بەرامبەر دانانی بورجەکانی ئینتەرنێتی کۆمپانیای فاست لینک لە سنووری قەزای کەلار، کۆمپانیاکە پابەندکرا باخچەیەک لەناو زانکۆی گەرمیان دروست بکات.
هەروەها وتیشی: تێچووی دروستکردنی ئەو باخچەیە بریتییە لە 16 ملیۆن دینار و لە چوارچێوەی سەوزرکردنی سنوورەکە کراوە.
هاوکات ئاماژەی بەوەشکرد، باخچەکە لەناو زانکۆی گەرمیان و لەبەردەم کۆلێژی زانست دروستکراوە.
