میوانی ساڵۆنی کوردستانی نوێ دەبێت

د. هەستیار کەمال کوردی، لاپەڕەی پەیوەندییەکانی سۆڤێت و عیراق هەڵدەداتەوە

11:00 - 2024-07-11
دیدار
55 جار خوێندراوەتەوە

لە درێژەی کۆڕە بەردەوامەکانی ساڵۆنی کوردستانی نوێ-دا، کۆڕێکی ناساندن و بڵاوکردنەوەی کتێبی (پەیوەندییەکانی یەکێتیی سۆڤێت -  عیراق و کاریگەریی لەسەر باشووری کوردستان (1972 - 1991) ) بۆ د. هەستیار کەمال کوردی، مامۆستای زانکۆ بەڕێوەدەچێت. 
کۆڕەکە سەعات (11)ی پێشنیوەڕۆی رۆژی شەممە رێکەوتی 13/7/2024 دەکرێت. کە تێیدا د. هەستیار دۆخی باشووری کوردستان لە سایەی پەیوەندییەکانی یەکێتیی سۆڤێتی جاران و رژێمی بەعسی رووخاودا شیدەکاتەوە.
جێی ئاماژەیە لە حوزەیرانی ساڵی 1972-ەوە و لەدوای (خۆماڵیکردنی نەوت)ەوە پەیوەندییەکانی بەغدا لەگەڵ خۆرئاوادا بەگشتی تێکچوو، ئەمەش نزیکبوونەوەی لەگەڵ یەکێتیی سۆڤێتی نەیاری تەقلیدیی خۆرئاوادا هێنایە کایەوە و تا رووخانی سۆڤێت لە ساڵی 1991 دا بەردەوام بوو.
کتێبەکەی د. هەستیاریش هەڵدانەوەی لاپەڕەکانی ئەو مێژووەیە.

بابەتە پەیوەندیدارەکان