کۆمسیۆن: سبەینێ دوایین وادەیە

كۆمسیۆنی باڵای سه‌ربه‌خۆی هه‌ڵبژاردنه‌كانی عێراق رایدەگەیەنێت کە، سبه‌ینێ دوا واده‌یه‌ بۆ وه‌رگرتنی لیستی كاندیدانی هه‌ڵبژاردنی په‌رله‌مانی كوردستان.

له‌ ڕاگه‌یه‌ندراوێكدا  كۆمسیۆنی باڵای سه‌ربه‌خۆی هه‌ڵبژاردنه‌كانی عێراق ڕایگه‌یاندووە کە دوایین واده‌‌ بۆ وه‌رگرتنی لیستی كاندیدانی هاوپه‌یمانێتی و حزب و كاندیدانی سه‌ربه‌خۆ و كاندیدانی پێكهاته‌كان كه‌ خواستی به‌شداریكردن له‌ هه‌ڵبژاردنی په‌رله‌مانی كوردستانیان هه‌یه‌، سبه‌ینێ دووشه‌ممه‌یه‌.

کۆمسیۆن وتوشیەتی "تا كۆتایی ده‌وامی فه‌رمیی ڕۆژی دووشه‌ممه‌ 15ـی ته‌موزی 2024، لیستی ناوی كاندیده‌كان وه‌رده‌گیرێت."