تەها عەبدوڵڵا
ئەندامێكی ئەنجومەنی نوێنەران رایگەیاند: جێبەجێكردنی یاساكانی تایبەت بە قەرەبووكردنەوەی كچان و ژنانی ئێزدی، لەئاست گەورەیی كارەساتی شەنگالدا نییە و پێویستە ئاوڕی زیاتریان لێبدرێتەوە.
كوردۆ عومەر ئەندامی ئەنجومەنی نوێنەران بە كوردستانی نوێ -ی راگەیاند: دوای ئەوەی یاسای قەرەبووكردنەوەی ژنان و كچانی ئێزدی ژمارە 8ی ساڵی 2021 لە ئەنجومەنی نوێنەران پەسەندكرا، ساڵانە لەلایەن حكومەتی فیدراڵەوە بودجەی بۆ دابین دەكرێت، بەڵام پێویستی بە بەدواداچوونی زیاتر هەیە بۆ ئەوەی یاساكە باشتر كارابكرێت.
