لە سنووری بەڕێوەبەرایەتی گشتی کارەبای سلێمانی، نرخی کارەبای موەلیدە بۆ ئەمپێڕێک بۆ مانگی حەوت لهنێوان 15000 بۆ 16000 دینار دەبێت.
ئەمڕۆ یەکشەممە 4/8/2024 بەڕێوەبەرایەتی گشتی کارەبای سلێمانی، رایگەیاند: لیژنهی دیاریكردنی نرخی موەلیدە ئههلییهكان کۆبووەوە و بهپێی نرخی سوتهمهنی له بازاڕهكاندا، نرخی ههر سەعاتێک بۆ ئهمپێرێک بریتییە لە 42 دینار. بەو پێیە نرخی ئهمپێرێک كارهبای موهلیدهی ئههلی گهڕهكهكان لهناو شاری سلێمانی لهنێوان 15000 بۆ 16000 دیناره.
هەروەها وتیشی: موەلیدەکان لەنێوان 365 بۆ 380 سەعات کاریان کردووە، بههۆی جیاوازی كارکردنیان نرخی ئهمپێرێك له گهڕهكێك بۆ گهڕهكێكی تر جیاواز دهبێت.
هاوکات ئەوەشی خستەڕوو، خشتهی كارپێكردنی موهلیده بۆ مانگى ئاب 24 سەعات دەبێت واتە هەركاتێك كارەبای نیشتمانی كوژایەوە، پێویسته موهلیدهكان كارەبا به هاووڵاتییان بدەن.
هەر لەو چوارچێوەیەدا لیژنهی دیاریكردنی نرخی موهلیده ئههلییهكان، جهختیان لهوه كردووهتهوه لهكاتی كوژاندنهوهی كارهبای نیشتمانی، نابێت كارپێكردنی موهلیده و پێدانی كارهبا بههاووڵاتیان له 10 خولهك زیاتر بخایهنێت، بهپێچهوانهوه خاوهن موهلیدهكه سزادهدرێت.
