خواستی هاووڵاتیان بۆ كڕینی ئۆتۆمبێلی نوێ، بەردەوام رووی لە زیادبوونە و بەپێی ئامارێكی وەزارەتی ناوخۆی حكومەتی هەرێمی كوردستانیش، تەنیا لە هەفتەی رابردوودا دوو هەزار و 528 ئۆتۆمبێل بۆ یەكەمجار تۆمار كراون.
فەرمانگەی میدیا و زانیاری بە پشتبەستن بە ئامارەکانی وەزارەتی ناوخۆ، رایگەیاندووە: بە تەنیا لە یەك هەفتەدا هەزار و 850 ئۆتۆمبێل لە هەولێر و 499 لە سلێمانی و 179 لە دهۆك، بۆ یەكەمجار تۆماركراون.
فەرمانگەی میدیا و زانیاری ئاماژەی بەوەشكردووە: لە دوای یەكخستنی تابلۆكان لە نێوان هەرێمی كوردستان و حكومەتی فیدراڵی، تەنیا لە هەفتەی رابردوودا هەزار و 393 تابلۆی ئۆتۆمبێل گۆڕاوە و هەر لەو هەفتەیەدا هەزار و 522 مۆڵەتی شۆفێری بۆ یەكەمجار دراوە بە هاووڵاتیان.
