سندووقی وەبەرهێنانی سعودیە، بڕی 500 ملیۆن یۆرۆی پێشكەشی یانەی ریال مەدرید كردووە، بۆ ئەوەی دەستبەرداری ڤینیسیۆس جونیۆر ببێت و ئەو یاریزانە رووبكاتە یانەی ئەهلی سعودی، بەڵام ریال مەدرید رازی نییە ئەو یاریزانە بڕوات.
جگە لەو 500 ملیۆن یۆرۆیە، یانەی ئەهلی سعودی ئامادەیە مووچەیەكی مێژوویی بداتە یاریزانە بەرازیلییەكە و لە ماوەی 5 ساڵی داهاتوودا، مووچەكەی دەبێتە 1 ملیار یۆرۆ، بەمەش سعودیە ئامادەیە 1.5 ملیار یۆرۆ بۆ گواستنەوەی یاریزانەكە خەرج بكات.
