راگەیاندنی ئایفۆنەکە لە میانەی کۆنفڕانسی ساڵانەی کۆمپانیای ئەپڵدا ھات لە کالیفۆڕنیا کە تیایدا چەندین بەرھەمی نوێ بڵاوکرایەوە وەک زنجیرەی ئایفۆن ١٦ و سەعاتی زیرەک و بیستۆکی نوێ کە سەرجەمیان دەرچەی تایپ سی لە خۆدەگرن.
ھەر لە کۆنفرانسەکەدا ئای ئۆ ئێس ١٨ بڵاوکرایەوە کە کۆمپانیاکە دەڵێت، ئەو ئایفۆنانەی ئای ئۆ ئێس ١٧یان بەدەستگەشتووە ئەویشیان بەدەست دەگات.
تایبەتمەندییەکانی ئایفۆن ١٦ پێکھاتوون لە گەورەکردنی شاشە بۆ ٦.٩ ئینج، زیادکردنی دوگمەیەک کە دەتوانرێت بۆ وەرگێڕی راستەوخۆ و چەندین کاری دیکە بەکاربھێنرێت، لەگەڵ نەوەیەکی نوێی کامێرای ئەڵترا وایت و کامێرای مایکرۆ، پشتگیرییکردن لە وای فای ٧.
ئایفۆن ١٦ بە تیتانیۆم رووپۆشکراوە لەگەڵ ئەوانەشدا زیرەکی دەستکردی تیادا بەکارھێنراوە و چیپەکەی بەھێز کراوە و توانای پاتریەکەشی بەرزکراوەتەوە.
