رۆژی یەكشەممەی رابردوو، قۆناغی سەنگافورە - ی پاڵەوانێتیی فۆرمۆلاوەن بەڕێوەچوو، ئەم قۆناغەی پاڵەوانێتییەكە 18 –یەمین قۆناغ بووە بەڕێوەبچێت و لاندۆ نۆریس- ی ئوستورالی و شۆفێری تیپی ماکلارین چووە سەر پلیکانەی یەکەمیی سەرکەوتنەکان و یەکەمی ئەم قۆناغەبوو.
ماكس ڤێرستاپین - ی هۆڵەندی و شۆفێری تیپی رێدبۆڵیش، جارێکی تر گەڕایەوە نێو ریزبەندیی یەکەم تا سێیەمی ئەم پاڵەوانێتییەو پلەی دووەمی گرت، ئەمە لە کاتێکدا لە دوو قۆناغی رابردویی ئازەربیجان و ئیتاڵیادا لەم شوێنە بێ بەش بوو بوو.
ئەمە سێیەم جارە ئەمساڵ لاندۆ نۆریس دەچێتە سەر پلیكانەی یەكەمیی ریزبەندیی، لە قۆناغی مەیامی و هۆڵەندا - شدا یەكەم بووە، بەم بردنەوەیەی نۆریس لە پلەی دووەمی ریزبەندیدا ماوەتەوە و لەدوای ڤێرستاپین - ەوەیە، تیپەكەشی (فێراری) لە پلەی دووەمیدا هێشتۆتەوە.
قۆناغی سەنگافورە - 18
-1 لاندۆ نۆریس – بەریتانیا (تیپی ماكلارین).
-2 ماكس ڤێرستاپین - هۆڵەندا (تیپی رێد بۆڵ).
3 -ئۆسكار پیاستری - ئوستورایا (تیپی ماكلارین).
پاش تەواو بوونی 18 قۆناغ لەم پاڵەوانێتییە، ریزبەندیی یەكەم تا هەشتەم شۆفێر بەمشێوەیەی لای خوارەوەیە كە تەنیا ئەم شۆفێرانە كۆی خاڵەكانیان سنوری 100 خاڵی تێپەڕاندووە و تەنیا یەكەم تا سێیەمیش كۆی خاڵەكانیان سنوری 200 خاڵی تێپەڕاندووە.
-1 ماكس ڤێرستاپین - هۆڵەندا (تیپی رێد بۆڵ) (331 خاڵ).
-2 لاندۆ نۆریس –بەریتانیا (تیپی ماكلارین) (279 خاڵ).
-3 شارل لۆكێر-مۆناكۆ (تیپی فێراری) (245 خاڵ).
4 -ئۆسكار پیاستری-ئوستورایا (تیپی ماكلارین) (237 خاڵ).
5 - كارلۆس ساینز جونێر-ئیسپانیا تیپی فێراری) (190 خاڵ).
6 -لویس هامیڵتۆن–بەریتانیا (تیپی مارسیدیس) (174 خاڵ).
7 - جۆرج راسیل-ئوستورایا (تیپی مارسیدیس) (155 خاڵ).
8 - سێرجیۆ پێرێز-مەكسیك (تیپی رێدبۆڵ) (144 خاڵ).
مانگی داهاتوو دوو قۆناغی تری پاڵەوانێتییەكە لە ئەمریکا و مەکسیک بەڕێوەدەچن؛
*قۆناغی – ئەمریكا (19)
18 تا 20/10/2024.
*قۆناغی – مەكسیك (20)
25 تا 27/10/2024.
