كەسوكار و خانەوادەی تێكۆشەری دێرین، هەڤاڵ حەمەبۆر
بۆ كۆچی دوایی تێكۆشەر و پێشمەرگەی دێرین، هەڤاڵ حەمەبۆر قوتانی پرسە و ماتەمی خۆمان ئاراستەی بنەماڵە تێكۆشەرەكەتان دەكەین.
هەڤاڵ حەمەبۆر لە بنەماڵەیەكی كوردپەروەر و تێكۆشەر بووە، لە ساڵانی خەباتی پێشمەرگایەتیدا لە ناوچەئازادكراوەكانی دەشتی كۆیە ماڵەكەیان شوێنی خزمەت و حەوانەوەی هێزی پێشمەرگە بووە، لە پاش راپەرینیش وەك كادرێكی دڵسۆز لە نێو ریزەكانی رێكخستندا لە رانیە درێژەی بە كاروانی خەباتداوە.
لە یەزدانی مەزن داواكارین كۆچكردوو بە بەهەشتی بەرین شاد بكات و سەبوری و ئارامی هەموو لایەك بدات.
مەكتەبی سیاسی
یەكێتیی نیشتمانیی كوردستان
