دوێنێ، خانمی یەكەم خاتوو شاناز ئیبراهیم ئەحمەد، بەشداریكرد لە چالاكییەكانی كردنەوەی كۆنگرەی ساڵانەی نێودەوڵەتیی بۆ خێزان لە یادی 30 ساڵەیدا كە بە دروشمی (خێزان و ئاراستە گەورە و سەردەمیانەكان) لە دەوحەی پایتەختی قەتەر، بەڕێوەچوو.
لەمیانی كردنەوەی كۆنگرەكەدا، سەرۆكی ئەنجومەنی بەڕێوەبردنی دامەزراوەی قەتەر بۆ پەروەردە و زانست و پەرەپێدانی كۆمەڵگە، وتەیەكی پێشكەشكرد.
لە پەراوێزی كۆنگرەكەشدا لە دەوحە، خاتوو شاناز ئیبراهیم ئەحمەد، ژمارەیەك دیدار و گفتوگۆی لەگەڵ خانمانی یەكەم و شارەزایانی تری بەشدار لە كۆنگرەكە ئەنجامدا، كە تێیدا تاوتوێی سیاسەت و ستراتیژە نیشتمانییەكانی كرد كە ئامادەكراوە بۆ خزمەتی خێزان و شێوازی پارێزگاریكردن لە خێزان.
