خاوەنى پڕۆژەى فامیلى گاردن لە هەولێر رایگەیاند، ساڵی پار پرۆژەى گەشتیاریى فامیلى گاردنى لەناو ئەکواپارکى هەولێر دروستکردووە، زەوى پرۆژەکەى بەکرێى ساڵانە وەرگرتووە، بڕى یەک ملیۆن دۆلارى لە پرۆژەکە خەرجکردووە، بەڵام ماوەى سێ رۆژە لە پرۆژەکەى دەریانکردووە و دەستیان بەسەریدا گرتووە.
وتیشى، ئێستا بە زەبرى هێز دەستبەسەر پرۆژەکەیدا گیراوە و لە بنکەى پۆلیسى هەولێر، دادگاى هەولێر و پۆلیسى نەهێشتنى تاوان سکاڵای تۆمارکردووە.
خاوەنى پڕۆژەى فامیلى گاردن دەشڵێت، جگەلەوەى پڕۆژەکەى داستیبەسەرداگیراوە هەڕەشەى لێکراوە و ئێستا مەترسى لەسەر ژیانى هەیە، داوا لە لایەنە پەیوەندیدارەکان دەکات خێرا لێکۆڵینەوە لە رووداوەکە بکەن.
