چوار ساڵی یەک لەسەر یەکە پاڵەوانە

لە لاس ڤیگاس -ی ویلایەتە یەكگرتووەكانی ئەمریكا، 22 –ەمین قۆناغی پاڵەوانێتیی فۆرمۆلا وەن بەڕێوەچوو، لەم قۆناغەی پاڵەوانێتییەكەدا نازناوی پاڵەوانی ئەمساڵ بۆ ڤێرستاپینی هۆڵەندی یەكلایی بۆوە و ئەمساڵیش بۆ ساڵی چوارەمی یەك لەسەر یەك، بووەوە بە پاڵەوانی جیهان، هەرچەندە هێشتا دوو قۆناغی پاڵەوانێتییەكە ماون لە قەتەر و ئەبوزەبی بكرێن.
لەم قۆناغەدا ڤێرستاپین هەرچەندە یەكەم نەبوو، تەنیا پلەی پێنجەمی گرت، بەڵام ئەو 10 خاڵەی بەم پلەیە بەدەستیهێنا، بەس بوو بۆ ئەوەی نازناوی پاڵەوانی ئەمساڵ بۆخۆی یەكلایی بكاتەوە و بۆ ساڵی چوارەمی یەك لەسەر یەك نازناوەكەی بردەوە.
لەم قۆناغەی پاڵەوانێتییەكەدا یەكەم تا پێنجەمی ریزبەندیی ئەم شۆفێرانە بوون: 
1-جۆرج راسیل           - بەریتانیا (تیپی مارسیدیس). 
2-لویس هامیڵتۆن      – بەریتانیا (تیپی مارسیدیس). 
3-كارلۆس ساینز جونێر - ئیسپانیا       (تیپی فێراری).
4-لاندۆ نۆریس          – بەریتانیا    (تیپی ماكلارین).
5-ماكس ڤێرستاپین     - هۆڵەندا     (تیپی رێد بۆڵ).
 ریزبەندیی گشتی یەکەم تا دەیەمیش، بەوشێوەیەیە کە لە خشتەکەدا دیارە.