جەنیوەری بێت یان نۆڤەمبەر

‎

نەشمیل عەلی بەرزنجی

جەنیوەری بێت یان نۆڤەمبەر
‎هەر دەبێت من قاپەکان بشۆم
‎مناڵەکان ئامادە بکەم
‎خاولییە تەڕەکان کۆبکەمەوە.
‎ڕقم لە بۆچیە
‎بۆچی من وەک ژنانی تر نیم؟
‎بۆچی قژت سور ناکەی، مۆدە
‎بۆچی زۆر دەبۆڵێنیت؟
‎کێ بوو وتی ؟
‎بیرم نایەت...
‎تەنانەت ئەم قسانەش کە شعرن شەڕێک هەڵدەگیرسێنن.
‎ من زمانی شعریشم تیژە و توندە
‎ئەم دە رۆژە دەتوانم من قاپەکان نەشۆم؟
‎بۆم هەیە سەوزەی سەلاجەکە چاک نەکەم فڕێی بدەم؟
‎بۆم هەیە قاوەیەک بخۆم و کەسێک هاوار نەکا دایکە راکە وەرە زوو؟
‎بۆم هەیە ئەم دە رۆژە کەی ویستم بخەوم، کەی ویستم هەستم؟
‎بۆم هەیە ئەم قسانە بکەم؟
‎رقم لە وشەی هەروایەیە!
‎هەر وایە رۆڵە گیان هەموو ژنێک هەر وایە
‎هەر وایە پیاو هەر وایە
‎هەر وایە ئیشی تۆیە ئەوانە.
‎تەنانەت ئەم پاڕانەوەیەش
 هیچ لە رۆژەکانی ساڵی ئێمە ناگۆڕێت 
‎گفتوگۆکە بەردەوامە،
‎تۆ زۆر دەبۆڵێنیت.
‎من ؟ تکا دەکەم دەپاڕێمەوە.
‎تۆ زۆر توندوتیژیت شەڕانیت،
‎من ؟ دەپاڕێمەوە دەلاڵێمەوە.
‎تۆ لە هیچ تێناگەیت
‎من، بێدەنگ دەبم.
‎تۆ بۆ ژنیت؟
‎من، بێدەنگ دەبم، دڵم دەشکێت
‎نا توانم بەرەنگاری توندوتیژیی ببمەوە
‎با بچم بەلای ئیشمەوە
‎نۆڤەمبەرە و ئیشی ساڵێکم هەیە.