ئازاد عیزەت/ ئاکرێ
ئاراز و چەند هەڤالەکێن خۆ رککەڤتن، کو بچنە سەیرانێ و ئەڤ هەڤاڵە ژی چار کەسبوون. هەڤاڵێ وان ئارازی گۆتە وان: هەڤالان ئەم دێ رابین هەر ئێکش مە دێ کارەکێ کەتن، داکو کەسش مە نە وەستیێت و چێنابیتن ئێک هەڤالێ مە کاربکەتن ئەم یێن دی دانیشین و کار نەکەین.
ڤێجا هەڤاڵان ئەز دێ چمە دارکان و هەر ئێکش هەوە ژی کارەکێ دی بۆ خۆ هەلبژێریتن و ئەوی کاری بکەتن. هۆگر ژی گۆت: ئەز دێ جهێ مە ئامادە و پاکژکەم، کو وەسا دیاربوو جهێ وان یێ پیس بوو تژی بەرمایکێن سەیرانیان وێرێ مابوونەڤە.
نەوزادی ژی گۆت: ئەز دێ خوارنێ دروستکەم، و دلشێر ژی گۆت: ممم باشە هەوە کارێ زەحمەت بۆ من هێلا،بەلێ بلا چ نینە و ئەز دێ کەم و دلشێری دهزرا خۆدا گۆت کا هوون راوەستن ئەز هەر چ کارەکی ناکەم بتنێ دێ هووین کەن و کرە کەنی ها ها ها...
دەمێ چووینە سەر کارێ خۆ و دلشێر ژی چوو ئاڤا پاقژ بینیتن، داکو تشتێن خۆ جوان بشون و ڤەخون.
دەمێ دلێشر چووی و ژنیڤا رێکێ ڤە خۆ ئێخستە ئەردی و گۆت: وەی وەی بابو، هەڤالان هاریکاریا من بکەن ئەز کەڤتم و دەستێ من خوین ژێ هات و پاتەک ژی دەستێ خۆ گرێدا. هەڤالێن وی گۆت: تو وەرە دانیشە و تو رینەخوارێ چ کاران نەکە. کەیفا وی گەلەک هات و رنشتەخوارێ دەمێ هەڤاڵێن خۆ دیتین کو یێن شول دکەن هێدی هێدی دکرە کەنی.
دگۆت: کاربکەن هوون بۆچی وەکو من بۆ خۆ شارەزا نابن پشتی خوارن خواری و کارێن وان خلاس بووین دلشێری گۆت: هەڤاڵان هێ هێ هوون چەند خشیمن من یاری ژ هەوە دکرن و ئەها ئەڤە جهێ برینا من سەحکەنێ چلێنەهاتییە و منا ژخۆ گرێدایی و ب هەڤاڵێن خۆ دکرە کەنی ب دەنگەکێ بلند
ها ها ها ها
دەمێ قەستا مالێ کری و ژ نیشکەکێ ڤە دلشێر دکەڤیتن و دبێژیت: هەڤالان هاریکاریا من بکەن پێ من گەلەکێ تێشیت، بەلێ کەسش وان باوەر پێ ناکەن، دبێژن: ئەم هاریکاریا تە ناکەین و تو درەوا دکەی و داکو یاریان ب مە بکەی و مە بکەیە کەنی و هندی هەوار دکر ژ من باوەربکەن ئەڤە ڕاستییە نەکو درەوە، بەلێ وان ژی ژێ باوەرنەکر.
زارۆکێن خۆشتڤی... دڤێتن ئەم هاریکار و پشتەڤان بین دگەلێک و چاڤێ مە ل ئێکو دو هەبیتن و راستگۆبین داکو جهێ ڕێز و بهای بین و ببینە جهێ باوەریێ هەروەها هاریکاری ئەرکێ مرۆڤایە تیێیە.
