ئیڤێت کوپەر، وەزیری ناوخۆی بەریتانیا، یەکەمین سەردانی فەرمی خۆی بۆ عیراق و هەرێمی کوردستان کۆتایی پێهێنا، کە زنجیرەیەک رێککەوتنی هاوکاریی بۆ رووبەڕووبوونەوەی هەڕەشە هاوبەشەکان و بەرزکردنەوەی ئاسایشی سنوورەکان و رزگارکردنی ژیانی خەڵک واژوو کرد.
لەچوارچێوەی ئەو سەردانە سێ ڕۆژەییەدا، وەزیری ناوخۆ گفتوگۆی ئاستی باڵای لەگەڵ وەزیرانی هەردوو حکومەتی عیراق و حکومەتی هەرێمی کوردستان ئەنجامدا. بەریتانیا و هەرێمی کوردستان رێککەوتن لەسەر بەهێزکردنی کاری هاوبەشە بنەڕەتییەکانیان وەک تاوانی رێکخراوەیی جددی و ئاسایشی سنوورەکان.، رێککەوتن لەسەر دەستپێکردنی هەڵمەتی پەیوەندی پتەوتر لە هەردوو وڵاتی عیراق و هەرێمی کوردستانی عیراق بۆ بەرەنگاربوونەوەی ئەو زانیاری و ئەفسانە هەڵانەی کە قاچاخچییەکان بە شێوەی ئۆنلاین بڵاوی دەکەنەوە. هەڵمەتە پلان بۆ داڕێژراوەکە هەوڵی بەرەنگاربوونەوەی زانیاری ناڕاست دەدات کە لەلایەن باندە تاوانکارەکانەوە بڵاودەکرێتەوە و ئەمەش بۆ رێگریکردن لە خەڵک کە ئەو گەشتە مەترسیدارە ئەنجام دەدەن، لەنێویاندا گێڕانەوەی چیرۆکی راستەقینەی ئەو کەسانەی کە بوونەتە قوربانی باندەکانی قاچاخچێتی
بەریتانیا ڕەزامەندی دەربڕی لەسەر دابینکردنی بودجە بۆ پڕۆژەیەکی ئاسایشی سنووری هەرێمی کوردستان.
ئاماژەی بەوەشکردووە، “دەمەوێت سوپاسی ئەم میواندارییە بکەم. ئەمە هاوبەشییەکی نوێی گرنگە لە نێوان حکومەتی بەریتانیا و عیراق و هەرێمی کوردستانی عیراق بۆ بنیاتنانی ئاسایش و سەلامەتی خەڵک.
سەردانەکە رەنگدانەوەی خۆبەخشی بەریتانیایە بۆ پەرەپێدانی سەقامگیری و گەشەپێدانی درێژخایەن لە هەرێمی کوردستان، لەسەر بنیاتنانی دەیان ساڵەی هاوکاری نزیک و ئامانجی هاوبەش.
وەزیری ناوخۆ یەکەم وەزیری دەرەوەی حکومەتی بەریتانیایە کە لە ساڵی ٢٠٢١ەوە سەردانی وڵاتەکەی کردووە، بە یاوەری مارتن هیویت فەرماندەی ئاسایشی سنووری حکومەتی بەریتانیا. لە سەردانەکەیدا بۆ هەولێر لەگەڵ سەرۆکی هەرێمی کوردستان نێچیرڤان بارزانی و سەرۆکوەزیران مەسرور بارزانی و جێگری سەرۆکوەزیران قوباد تاڵەبانی و وەزیری ناوخۆ ڕێبەر ئەحمەد کۆبووەوە.
