سەرۆک بافڵ جەلال تاڵەبانی لە ماڵی مام لە بەغدا پێشوازیکرد لە ئەمینداری بزووتنەوەی بابلیون

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە رەییان کلدانی، ئەمینداری گشتیی بزووتنەوەی بابلیون.

‏لە دیدارێكدا دوایین گۆڕانكارییە سیاسییەكان و  هەنگاوەكانی پێكهێنانی حكومەتی نوێی عیراق تاوتوێكرا و جەخت لە بەردەوامی گفتوگۆكان كرایەوە لەپێناوی گەیشتن بە چارەسەرێكی گونجاو و دەربازكردنی عیراق لەو دۆخە سیاسییە نەخوازراوەی تێیكەوتووە.

‏‎سەرۆك بافڵ ئاماژەی بە هەوڵەكانی یەكێتیی نیشتمانیی كوردستان كرد بۆ تێپەڕاندنی ئاستەنگییەكان و وتی، هاووڵاتییان شایستەی ژیانێكی ئارام و سەقامگیرن. ئامانجی ئێمەش دروستكردنی حكومەتێكی نیشتمانیی بەهێز و خزمەتگوزارە لەگەڵ هێز و لایەنە سیاسییەكان تاوەكو پێكەوە داهاتوویەكی سەقامگیر بۆ هاووڵاتییان دەستەبەر بكەین.