فۆرمۆلا وەن

سەرجەم زانیارییەكان لەسەر وەرزی 2024

دواجار رۆژی یەكشەممە 8/12/2024، بە قۆنــــاغی ئەبوزەبی، كە قۆناغی كۆتایی و ژمارە 24 بــــــوو بەڕێوەبچێت، پەردە لەسەر پاڵەوانێتیی ئەمساڵی ئۆتۆمبێلی فۆرمۆلا وەن دادرایەوە و ئەمساڵیش بۆ ساڵی چوارەم لەسەر یەك، ماكس ڤێرستاپینی هۆڵەندی و شۆفێری تیپی رێدبۆڵ، نازناوی پاڵەوانی بردەوە.
ڤێرستاپین لەقۆناغی لاس ڤیگاسدا كە 22 – ەمین قۆناغ بوو بەڕێوە بچێت، نازناوی پاڵەوانی یەكلا كردەوە، بەشداریكردنی لە دوا دوو قۆناغــی قەتەر – 23 و ئەبوزەبی- 24، تەنیا بۆ تەواوكردنی قۆناغەكان بوو، هەرچەندە لە قەتەریش یەكەم و لە ئەبوزەبی شەشەم بوو، لە قەتەر 26 خاڵ و لە ئەبوزەبیش 8 خاڵی تری خستە سەركۆی خاڵەكانی تری.
ئەوەی مایەی تێبینی بوو لە پاڵەوانێتیی ئەمساڵدا ئەوەبوو، هەریەكە لە ڤێرستاپین تا لویس هامڵتۆن كە یەكەم تا حەوتەمی ریزبەندیی ئەمساڵبوون، جگەلەمان، هیچ شۆفێرێكی تر نەیتوانی بچێتە سەر پلیكانەی یەكەمی هیچ قۆناغێك و ئەمان پلەی یەكەمییەكانیان كۆنترۆڵ كردبوو، بەمشێوەیە:
1- ماكس ڤێرستاپین (9).
2-لاندۆنۆریس(4).
3- شارل لۆكێر(3).
4- كارلۆس ساینز جونێر(2).
5- جۆرج راسل(2).
6-لویس هامڵتۆن(2).
7-ئۆسكار بیاستری(2).
کۆتا ریزبەندی
 پاش تەواو بوونی سەرجەم قۆناغەکانی ئەم پاڵەوانێتییە، تەنیا ڤێریستاپین کۆی خاڵەکانی سنووری 400 خاڵ و لاندۆ نۆریس و شارل لۆکێریش کۆی خاڵەکانیان سنووری 300 خاڵیان تێپەڕاند، ئەو شۆفێرانەی تریش کە چوارەم تا حەوتەمی ریزبەندیی بوون، كۆی خاڵەكانیان سنووری 200 خاڵی تێپەڕاندووە، بەمشێوەیە:
1- ماكس ڤێرستاپین-هۆڵەندا (تیپی رێد بۆڵ)(437خاڵ).
2- لاندۆ نۆریس –بەریتانیا (تیپی ماكلارین)(374خاڵ).
3- شارل لۆكێر-مۆناكۆ (تیپی فێراری) (356 خاڵ).
4- ئۆسكار بیاستری-ئوستورایا(تیپی ماكلارین)(292خاڵ).
5-  كارلۆس ساینز جونێر-ئیسپانیا(تیپی فێراری) (290 خاڵ).
6-  جۆرج راسیل-ئوستورایا(تیپی مارسیدیس)(245خاڵ).
7- لویس هامیڵتۆن–بەریتانیا (تیپی مارسیدیس)(223خاڵ).
سێرجیۆ پێرێز - مەكسیك (تیپی رێدبۆڵ) بە 152 خاڵ، هەشتەمی ریزبەندیی و فرناندۆ ئەلۆنسۆ-ئیسپانیا (تیپی ئەستۆن مارتن) بە 70 خاڵ، نۆیەم و پیێر گاسلی – فەرەنسا (تیپی ئالبین)  بە 42 خاڵ، دەیەمی ریزبەندیی کۆتایی ئەم پاڵەوانێتییە بوو.
پاڵەوانانی سەرجەم قۆناغەکان
*قۆناغی بەحرەین - ماكس ڤێرستاپین.
*قۆناغی سعودیە - ماكس ڤێرستاپین.
*قۆناغی ئوستورالیا -كارلۆس ساینز جونێر.
*قۆناغی ژاپۆن - ماكس ڤێرستاپین.
*قۆناغی چین - ماكس ڤێرستاپین.
*قۆناغی مەیامی -  لاندۆ نۆریس.
*قۆناغی ئیمیلیا - ماكس ڤێرستاپین.
*قۆناغی مۆناكۆ -  شارل لۆكێر.
*قۆناغی کەنەدا - ماكس ڤێرستاپین.
*قۆناغی ئیسپانیا -ماكس ڤێرستاپین.
*قۆناغی نەمسا - جۆرج راسل.
*قۆناغی بەریتانیا -  لویس هامڵتۆن.
*قۆناغی هەنگاریا - ئۆسكار بیاستری.
*قۆناغی بەلجیكا - لویس هامڵتۆن.
*قۆناغی  هۆڵەندا -  لاندۆ نۆریس.
*قۆناغی ئیتاڵیا - شارل لۆكێر.
*قۆناغی ئازەر بیجان - ئۆسكار بیاستری.
*قۆناغی سەنگافورە - لاندۆ نۆریس .
* قۆناغی ئەمریکا -  شارل لۆكێر.
*قۆناغی مەکسیک - كارلۆس ساینز جونێر.
*قۆناغی بەرازیل- ماکس ڤێرستاپین.
*قۆناغی لاس ڤیگاس- جۆرج راسل.
*قۆناغی قەتەر- ماکس ڤێرستاپین.
*قۆناغی ئەبوزەبی- لاندۆ نۆریس.
ستادیۆم