کاتێک نەیمار گەڕابووەوە بۆ وڵاتەکەی تا بەشداریی لە یادی لەدایکبوونی ماڤی کچیدا بکات، ئەفسەرێک لە فڕۆکەخانەیەکی بەرازیل، پرسیارێکی سەیر لە نەیمار -ی ئەستێرەی یانەی هیلال -ی سعودی ده‌كات، ئاهەنگی کچەکەی نەیمار لە مانگارەتیبا، لە ریۆدی جانیرۆ -ی بەرازیل بەڕێوەچوو، نەیمار کاتی پێکانەکەی لەگەڵ یانەی هیلال قۆستەوە و گەشتێکی بۆ بەرازیل کرد بۆ بەشداریکردن لەو بۆنەیەدا.
ماڤی کچی نەیمار جونیۆر 6/10/2024 تەمەنی بووبه یەک ساڵ، پێشتریش خێزانەکەی لە سعودیە ئاهەنگیان بۆ گێڕا، دواتر بڕیاریاندا لەگەڵ خێزانەکەیان لە بەرازیلیش ئاهەنگەکە دووبارە بکەنه‌وه.
کاتێک نەیمار لە فڕۆکەخانە دادەبەزێت، ئەفسەرێک داوایەکی سەیری لێ دەکات و پێی دەڵێت؛ بۆند لەگەڵ یانه‌ی فۆرتالێزا واژۆ بکە، نەیماریش وەڵامی دایەوە و وتی: ئەوە مایه‌ی دڵخۆشی منیشه.
یانه‌ی هیلال کە خاوەنی نازناوی پاڵەوانی خولی سعودیەیە، پێشتر رایگەیاندبوو، نەیمار تووشی پێكانی ماسولکەی پشتەوەی `قاچی بووە، بەمەش لانیکەم مانگێک دوورده‌كه‌وێته‌وه، ئەم یاریزانە تەمەن 32 ساڵە، پێشتر لە پێکانێکی قورس رزگای ببوو، ئەو پێکانە بۆ ماوەی ساڵێک لە یانەی هیلال دووریخستەوە، بەڵام دوای گەڕانه‌وه‌ی، لە یاریی یانه‌كه‌ی به‌رامبه‌ر ئیستقلالی ئێرانی له چامپیۆنس لیگی ئاسیادا، تووشی پێكان بووه‌وه و ره‌نگه دواجار تیپه‌كەشی ده‌ستبه‌رداری ببێت.
