سەرجەم یانە بەشدارەكانی خولی باسكەی یاریزانە پیشەگەرەكانی یانەكانی عیراق، هەریەكەیان 10 یاریی خۆیان لەم خولەدا كردووە، دیجلە جامیعە و دیفاع جەوی و كەرخ، ركابەرییەكی توندی یەكتر دەكەن و یەكەم تا سێیەمی ریزبەندین و هەریەكەیان خاوەنی 19 خاڵە.
رۆژی دووشەممە 16/12 بە دوو یاریی، جەولەیەكی تری یارییەكانی ئەم خولە دەستیانپێكردووە، لە یەكەم یارییاندا، تیپی یانەی دەربەندیخان و گازی باكوور كە دوو یانەی كوردستانیی بەشداری ئەم خولەن، لە دەرەوەی یاریگای خۆیان دەبێت یارییەكانی ئەم جەولە نوێیەیان بکەن کە بەم شێوەیە كردبێت:
*تیجارە × دەربەندیخان.
*شورتە × گازی باكوور.
ئەمڕۆش سێشەممە 17/12 ئەم یارییانەی تریش دەكرێن:
*زاخۆ × كەرخ.
*دیفاع جەوی × حللە.
*حەشدی شەعبی × دیجلە جامیعە.
سەبارەت بە ریزبەندیی یانە بەشدارەكان و پلەی یانەكانی كوردستانیی بەشدار لەم خولەدا، گازی باكوور پێنجەمی ریزبەندییەکەیە و 16 خاڵی هەیە، زاخۆ شەشەمە و پاش گازی باكوور دێت و 15 خاڵی هەیە، بەڵام تیپی یانەی دەربەندیخان لەكۆی ئەو 10 یارییەی كردوونی، تامی بردنەوەی نەكردووە و دوا تیپی ریزبەندییە و 10 خاڵی هەیە.
سەبارەت بە تیپەكانی سەرووی ریزبەندییش، دیجلە جامیعە و دیفاع جەوی و كەرخ، ركابەرییەكی توندی یەكتر دەكەن و یەكەم تا سێیەمی ریزبەندین و هەریەكەیان خاوەنی 19 خاڵە و شورتە چوارەمە بە 17 خاڵ.
#ســتادیـۆم
