یەكێتیی تۆپی پێی عیراق، ئەمڕۆ و سبەی یارییەكانی خولی پاڵەوانێتیی جامی یانەكانی عیراق دەستپێدەكات، لە قۆناغی یەكەمدا، 32 یانەی خولە جیاجیاكانی عیراق بەشداریی تێدا دەكەن و تەنیا سێ یانەی كوردستان بەشدارن ئەوانیش ئەم یانانەن: پێشمەرگەی سلێمانی، گازی باكووری كەركوك و هەولێر.
ئەمڕۆ سێشەممە 17/12/2024 ، هەشت یاریی دەكرێت، لە یەكێك لە یارییەكاندا، هەولێر میوانداریی سامەڕا دەكات، سبەی چوار شەممە یارییەكانی تری ئەم قۆناغە دەكرێت، پێشمەرگەی سلێمانی لە یاریگای خۆیدا میوانداریی لە یانەی فەهد دەكات و گازی باكـووریش لەكەركوك میوانداریی لە مەسافی باشوور دەكات.
