لەسەر ئەو ئەنجامە خراپانەی بەم دواییە لە خولی ئەستێرەكانی یانەكانی عیراقدا تۆماریكردبوو، ئیدارەی یانەی نەورۆز بڕیاریدا جۆرڤان ڤیێرای بەرازیلیی راهێنەر لە كارەكەی دووربخاتەوە و لە جیاتی ئەو بۆندیان لەگەڵ قەحتان جسەیەر ئیمزا كردووە.
قەحتان جسەیەر لەدایكبووی
1973 –یە، لەنێوان ساڵانی 1996 تا 2001 یاریزانی هەڵبژاردەی عیراق بووە، پێشتر راهێنەرایەتیی زۆرێك لە یانەكانی عیراقی كردووە، لەوانە شورتە، نەجەف، هەولێر، سەناعە، تەڵەبە و قووە جەوی و خاوەنی بڕوانامەی پڕۆیە لە بواری راهێناندا.
تیپی یانەی نەورۆز ئەمساڵ لە بارودۆخێكی خراپدایە، ئێستا لەپلەی 18ی ریزبەندیدایە، 8 خاڵی هەیە، 9 یاریی كردووە، دوو یاریی بردووەتەوە، دوو یاریی یەكسان بووە و 5 یارییشی دۆڕاندووە.
رۆژی 25ی ئەم مانگەش، یاریی هەفتەی هەشتەمی لەگەڵ یانەی قووە جەوی لە بەغدا دەبێت.
