كاسپەر ڤیڵدكامپ وەزیری دەرەوەی هۆڵەندا لە راپۆرتێكدا كە ئاڕاستەی پەرلەمانی وڵاتەكەی كردووە، باس لەوەدەكات «نوێنەرەكەیان لەگەڵ لێپرسراوانی باڵای سوریا كۆبووەتەوە و جەختی لە گرنگیی سیاسەتێكی راگوزەری گشتگیر و پاراستنی پێكهاتەكان كردووەتەوە».
دەشڵێت: زۆر گرنگە پێكهاتەكانی كریستیان و كورد و كەمینەكانی سوریا بەشداریی لە پرۆسەی گواستنەوەی سیاسیی گشتگیر بكەن، ئاماژەی بەوەش دا: لێكۆڵینەوە لەوە دەكەین چۆن هۆڵەندا و یەكێتیی ئەوروپا دەتوانن پشتگیریی لە پرۆسەی گواستنەوەی سیاسی لە سوریا بكەن.
