محەمەد شیاع سودانى، سەرۆکوەزیرانى عێراق لە بەریتانیایە، جگە لە واژۆکردنى رێککەوتنێکى هاوبەشیی ستراتیجی، گفتوگۆ لەسەر پرسی پەنابەرانیش دەکات.
سەرۆکوەزیرانى عێراق لەناو فڕۆکەکەیەوە قسەى بۆ ئاژانسى فرانس پرێس کردووە و رایگەیاندووە، سەرەتایەکى نوێ بۆ پەیوەندییەکانى نێوان بەریتانیا و عێراق بەتایبەت پەیوەندى ئەمنیى دێتە کایەوە.
لەلایەکى دیکەوە، کییەر ستارمەر، سەرۆکوەزیرانى بەریتانیا، لە راگەیەندراوێکدا پێشوازیی لە هاریکاریی نێوان وڵاتەکەى و عێراق کرد و گوتى، ئەو هەماهەنگییە سوودى هاوبەشى بۆ هەردوولا لە بوارەکانى ئەمنیى و سەربازیی دەبێت.
سەرۆک وەزیرانى بەریتانیا راشیگەیاند، ساڵى رابردوو قەبارەى ئاڵوگۆڕى بازرگانیى نێوان بەریتانیا و عیراق گەیشتووەتە زیاتر لە 14.3 ملیار دۆلار.
