نرخی زێڕ لە بۆرسەی جیهانی دابەزینی تۆمارکرد و نرخی یەک ئۆنسە گەیشتە دوو هەزار و 673 دۆلار.
لە بازاڕی زێڕەنگەرانی عیراق و هەرێمی کوردستانیش نرخی زێڕ دابەزی، لە ماوەی 24 سەعاتدا هەر مسقاڵێک زێڕ زیاتر لە حەوت هەزار دیناری لێکەمبووەتەوە.
هەندرێن وەرتی، سەرۆکی سەندیکای زێڕەنگەرانی هەولێر راگەیاند، هۆکاری سەرەکیی دابەزینی زێڕ بەهۆی ئەگەری راگەیاندنی ئاگربەستی نێوان حەماس و ئیسرائیلە، کە لە ماوەی رابردوودا بەهۆی شەڕی نێوانیانەوە بەرزبووەوە و چەندین جار ریکۆردی بەرزترین ئاستیی مێژوویی تۆمارکردووە.
وتیشی، " تاوەکو ئێستا دیار نییە ئەگەر ئەو دوولایەنە بگەنە رێککەوتن لەسەر ئاگربەست چەند لە نرخی زێڕ دادەبەزێت، بەڵام پێشبینی رێژەیەکی زۆر دابەزین دەکەن"
