ماوەی چەند رۆژێكە یەكەم پاڵەوانێتیی لە پاڵەوانێتییە گرنگ و مەزنەكانی تێنسی سەر زەوی، دەستیپێكردووەو مادیسۆن كیز و سینەر بوون بە خاوەنی یەكەم گرنگترین جام كە جامی گراند سلامی ئوستورالیا ئۆپن بوو.
ئەم گراند سلامە، یەكەم گراند سلام بوو لە كۆی چوار گراند سلامەكەی كە ساڵانە رێكدەخرێن ئەوانیش بریتین لە (ئوستورالیا ئۆپن، رۆڵاند گارۆس، ویمبڵدۆن، یو ئێس ئۆپن)، یارییەكانیش رۆژی 12/1 دەستیانپێكردو رۆژی یەكشەممەی رابردوو 26/1 بە یاریی كۆتایی كوڕان كۆتاییهات.
لە خولی كچاندا، مادیسۆن كیز -ی ئەمریكی توانی لە یاریی كۆتاییدا 2-1 لە ئارینا سابالینكای بیلۆ روسی بباتەوە بۆ یەكەمین جار لە مێژووی ژیانی ئیحتیرافی خۆیدا ببێتە خاوەنی جامی گراند سلام.
یاریی كۆتایی خولی كوڕانیش سەعات 11:30 دەقیقەی بەیانی رۆژی یەكشەممەی رابردوو 26/1، بەكاتی هەرێمی كوردستان هەردوو یاریزانی ناودار و بەهێز (یانیك سینەری ئیتاڵی و ئەندرییە زڤیریڤی ئەڵمانی) كردیان.
ئەم یارییەش هەوادارانێکی زۆری تێنسی سەرزەوی لە سەرتاسەری جیهاندا، لە چاوەڕوانیدا بوون، سەرەنجامیش سینەر توانی 3-0 لە زڤیریڤ بباتەوە و جام و خەڵاتی یەکەمیی ئەم گراندسلامە بەرێت.
بەم جامی گراندسلامەی ئوستورالیاوە، ئەمە سێیەم جامی گراند سلامە بەرزی دەکاتەوە، هەشتەم نازناوی خەڵاتە مەزنەکانیشە دەبێت بە خاوەنی، جگە لەمانەش چەندین ئامارو ریکۆردیشی بۆ خۆی تۆمار کردووە.
