لە پەیامێكدا دۆناڵد ترەمپ سەرۆکی ئەمریکا لەتۆڕی كۆمەڵایەتی ئێكس بڵاویكردەوە، بۆیەکەمجار هێرشکرایە سەر حەشارگەکانی داعش لە سۆماڵ و
بە كەمترین زیان ژمارەیەكی زۆر چەكدار كوژراون.
سەرۆکی ئەمریکا راشیگەیاندووە، بەهۆی هەڕەشەكانی چەكدارانی داعش بۆسەر ئەمریكا و هاوپەیمانەكانی، فەرمانی بە هێرشكردنە سەر ئەو چەكدارانە لە حەشارگەكانی سۆماڵ داوە و ژمارەیەكی زۆریشیان لێكوژراوە.
ترەمپ لە پەیامەكەیدا نووسیویەتی: ماوەیەكی زۆر بوو پلانی هێرشكردنە سەر داعش لە سۆماڵ ئامادە كرابوو، بەڵام جۆ بایدن سەرۆكی پێشووی ئەمریكا و ئیدارەكەی ئەو ئۆپەراسیۆنەیان پشتگوێ خستووە بۆیە لەسەر فەرمانی خۆی هێرشەكان ئەنجام دراون.
سەرۆكی ئەمریكا نووسیویەتی پەیامی ئەوان بۆ داعش و هەموو ئەوانەی هێرش دەكەنە سەر ئەمریكییەكان ئەوەیە كە لە هەرشوێنێك بن دەیان دۆزنەوە و دەیانكوژن.
