محەمەد عەبدولرەحمان
لە زانکۆی سلێمانی، یەکێتیی هێزی لەشی عێراق، خولێکی راهێنەریی و ناوبژیوانی بە بەشداری 80 بەشداربوو ئەنجامدا، وانەکانی خولەکە لەلایەن کۆمەڵێک مامۆستای شارەزای میسر و ئەمریکا و عێراقەوە وترانەوە.
(هودا ئەحمەد) و (هاوین حارس)، دوو خانمی شارەزوور بوون کە بەشداریی خولەکەیان کرد و بڕوانامەی سەرکەوتنیان بەدەستهێنا.
هاوین حارس بە ستادیۆم -ی ڕاگەیاند: من ماوەی 7 ساڵە ئەم وەرزشە دەکەم، بڕوانامەی راهێنەریم لەم وەرزشەدا هەیە، ئەو خولانەش یەکێتیی ناوەندیی هیزی لەشیی کوردستان سەرپەرشتیی کردوون، بەڵام ئەمەیان نێودەوڵەتییە و لەسەرئاستی عێراقە و وانەبێژەکان لە ئەمریکا و میسر و عێراقەوە هاتبوون.
هەروەها وتی؛ 80 وەرزشکار بەشداربوون، تەنها من و هودا ئەحمد لەقەزای شارەزوور بەشداربووین، خولەکە بۆ ماوەی سێ ڕۆژ بەردەوام بوو، ئێمەش سەرکەوتووانە بڕوانامەی دەرچوونمان وەرگرت.
