داهاتی نانەوتی هەفتەی رابردووی سلێمانی نزیكەی شەش ملیار دینار بووە

داهاتی نانەوتی  یەك هەفتەی سلێمانی لە رۆژانی  15 بۆ 21 ی شوباتی 2025 ، بڕی پێنج  ملیار و 984 ملیۆن و 815هەزار و 115 دینار بووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، بڕی پێنج  ملیار و 984ملیۆن و 815هەزار و 115 دینار بووە، كە سەدا 81 ی داهاتەكە بەشێوەی نەختینەیە و سەدا 19ی داهاتەكە بەشێوەی چەكە و ئەوەی دەمێنێتەوە بەشێوەی مقاسەیە.