عەلی عەلاق، پارێزگاری بانکی ناوەندیی عیراق لە مەراسیمی کردنەوەی ناوەندى نێودەوڵەتیى سلێمانى بۆ دارایی و بازرگانى وتی، پارێزگای سلێمانی چالاکی پیشەسازی و بارزگانی گەورەی تێدایە و ئێمە لە بانکی ناوەندی لە رێگای حەواڵەی دەرەکیەوە تێبینی ئەوەمان کردووە کە قەبارەی بازرگانی و حەواڵەی دەرەکی لە پارێزگایە زۆر گەورە و چالاکە.
وتیشی، قەبارەی بازرگانی و حەواڵەی دەرەکی لە سلێمانی پێووستی بە ڕێکخستن هەیە بۆ ئەم مەبەستەش بە هاریکاری حکومەتی ناوەند و بانکی ناوەندیی عیراق و حکومەتی هەرێمی کوردستان، دەتوانین چوارچێوەیەکی دروست و رێکخراو بۆ بازرگانی و حەواڵەی دەرەکی بدۆزینەوە، بە ئامانجی هاندان و پێشخستن و باشترکردنی.
علی عەلاق دەشڵێت، بانکەکان و نوسینگەی دراوەکان لە سلێمانی زۆرترە بەراورد بە پارێزگاکانی دیکە، بۆیە بوونی بانکی ناوەندی عیراق لەم پارێزگایە زۆرگرنگە و بەم نزیکانە لقی خۆی دەکاتەوە.
