سەلام سەعید
ئەم ئێوارەیەش ئەم دەردە دڵە دەکەم
ئاوا باسی بێدەنگی ماڵە هێمنەکەم دەکەم
ئەم ئێوارەیە دەبمە قەقنەسێکی
غەمگین ..
بە چەند هەنگاوێکی شپرزە
دەست پێ دەکەم،
هەموو دەرگاکان بۆ وتن دەترازێنم
هەموو پەنجەرەکانیش واڵا دەکەم.
ماڵەکەم زۆر سادەیە
ئازار هەمیشە تێیدا موتوربەیە.
ئەم ئێوارەیە هیچ شیعرێکی کۆنم
بێدار ناکەم،
لەدەرگا رازاوەکەی
ئەو خانمەش نادەم،
پێ بە پێی هێمنیی خۆی
بەسرپە پرسیارێ
لەگەڵیدا دەست پێ دەکەم.
لەخەمی گەورە دەدوێم
تازەترین گرفتی رۆژگاریشم
لەسینەی خراپمدایە
بە جەنجاڵی دەیخەمە بەر دیدەی،
وای لە من...
نە ناونیشانی و نە ژمارەی مۆبیلی و
نە ژمارەی دەرگاشی پێ نازانم.
هیچ قاسیدێ شكنابەم
ئەم نامەیەم بەرێ،
بەشی هەردووکمان لە نامەیەکی نوێدا
بەچەند دێڕێکی پڕ وەڵام بنێرێ.
ئەم ئێوارەیە ژنە رەبەنەکەی دراوسێمان
بە سڵاوێك کە لەنێو دەنگۆی پیتەکانیدا
دۆزەخێکم بینی
لەسنگی پیتەکانی نووسیبووی
تەنیاییم دۆزەخێکە.
بۆ تێپەڕ بوونی خەم
نابیناییم بەخەمی بە بابوونی
دوکەڵی رازاوەی
دواجگەرەی نێو پاکەتەکەی ئەو دەچێ.
بە بەرچاوی خوا و
یەك یەك نابیناکانی نێو بڕیاری دەستەواژە
سەقەتەکان بەڕێوە دەچێ
ئێیی خانم؟
بەدوا قومی دووکەڵی جگەرەکەتم کە،
چی وردە گلەیی هەیە
لەگەڵ قاوەیەکی تاڵدا
کەهێشتا پێکەوە کۆی نەکردووینەتەوە
لەسەر مێزێك بەبام بدە،
من کە سیخناخم لەتەنیایی و خەم.
