نالین رەشۆ چالاکوانی مرۆیی و بەرپرسی ماڵی ئێزدی لە دەڤەری جزیرە. ئەو شانبەشانی هاوکارەکانی هەمیشە ئامادەن بۆ هاوکاریی و جێبەجێکردنی داواکاریی ئاوارە کوردە ئێزدییەکان و ئاوارەکانی ناوچەکانی دیکەی رۆژئاوای کوردستان. زۆربەی ئاوارە ئێزیدییەکان بۆ کێشەکانیان روو لەم کچە دەکەن و ئەویش بەگوێرەی توانای خۆی و رێکخراوەکەی داواكارییەکانیان بۆ جێبهجێی دهكات و ئێستا بووەتە مایەی ئومێدی ئاوارە ئێزدییەکان لە رۆژئاوای کوردستان.
نالین رەشۆ
لهوبارهیهوه نالین رهشۆ، به كوردستانی نوێی وت: لە ساڵی 2018 ەوە، لە ماڵی ئێزدیی لە رۆژئاوای کوردستان کار دهكهم، بەتایبەتی لە بواری مرۆیی و هاوکاریکردنی ئاوارەکانی عەفرین و سەرێ کانی و گرێسپی و دهڤهری شنگال. ههروهها پێداویستییهکانی رۆژانهی ئاوارهکانی ئهم دواییانهی ناوچەی شههبا وەک: خۆراک و جلوبهرگ و پێداویستیی تەندروستی و شوێنی مانهوهیان بۆ دابیندەکەین و ههندێکیشیان شوێنیان لهناو ماڵی خۆماندا بۆ دەکردنەوە.
وتیشی: لە سەرەتای سەرهەڵدانی شۆڕشی گەلانی سوریاوە لهساڵی 2011، هەزاران کەس لە ناوچە كوردنشینهكانی ترەوە ئاوارەی کانتۆنی جهزیره بوون، ئەوەی پێمان كراوه بۆیان دابینمان کردووە و نەمانهێشتووە کەموكورتییان هەبێت. بەڵام گەورەترین ئاستەنگ لەبەردەمماندا دابینکردنی شوێنی مانەوە و خۆراک بووه.
نالین هەروەها دهڵێت: ئێمە وەک ماڵی ئێزدیی لە کانتۆنی جەزیر بەبێ جیاوازی هاوکاریمان پێشکەش بە ئاوارەکان کردووە و دەیان ئاوارەی موسڵمانیش سوودمەند بوون. ئێمە پەیوەندیی و هەماهەنگیمان لەگەڵ ماڵی ئێزدیی لە پارێزگای حەلەب هەیە بۆ جێبهجێكردنی کارەکانمان، بۆیە لەم ساڵانەی دواییدا چەندین خێزانی کۆچبەری ئێزدیمان لە دەڤەری جەزیرە نیشتەجێ کردووە، بەتایبەتی لە وار و گوندەکانی ئێزیدی له دەوروبەری پارێزگای حەسەکە.
روونیشیكردهوه لە سەرەتای شۆڕشی سوریادا دەیان خێزانی ئێزیدی له حەلەب و عەفرین و ناوچەکانی تری رۆژئاوای کوردستانەوە کۆچیان کردووە بۆ وڵاتانی ئەوروپا و خۆرئاوا بەگشتی. ههروهها گوند و ماڵەکانیان چۆڵکرابوون، ئێمهش خێزانە کۆچبەرە ئێزیدییەکانمان لە گوند و ماڵە ئێزیدییەکان لە ناوچه جیاوازەکانى رۆژئاوای كوردستاندا نیشتەجێ کرد و هاوکاریمان بەسەریاندا دابەشکرد و تائێستاش هاوکاریی نزیکەی 10 ههزار پەنابەرمان کردووە.
نالین رهشۆ لهبهشێكی دیكهی دیدارهكهدا دهڵێت: لهكاتی داگیركردنی قهزای شنگالدا، داعش 6417 ئێزدی رفاند و لهنێویاندا ژن و پیاو و منداڵ. لهو ژمارهیهش سێ ههزار و547 كهسیان له رهگهزی مێ بوون، تا ئێستاش چاڕهنووسی زیاتر له 2700 كهسیان نادیارە.
ئهوانهی تائێستا به هاوكاری و لە رێگهی ماڵی ئێزدییەوە رزگاربوون، نزیكهی 500 كهسن و لهناویشیاندا ژن و منداڵ و كچ ههبوون.
وتیشی: ئێمە بەردەوام بەدواداچوون بۆ ئەو دۆسێیە دەکەین، بەتایبەتی لەنێو خێزانهكانی کەمپی هۆڵ-دا، بۆ سۆراخی ئەو کچ و ژنە ئێزدییانەی له دهستی داعشدا ماون.
ئهوانهی تائێستا به هاوكاری و لە رێگهی ماڵی ئێزدییەوە رزگاربوون، نزیكهی 500 كهسن و لهناویشیاندا ژن و منداڵ و كچ ههبوون
جێی ئاماژەیە پێش ساڵی 2012، ژمارەی کوردە ئێزدییەکان لە رۆژئاوای کوردستان و سوریا زیاتر لە شەش هەزار کەس بوون، بەڵام ئێستا ژمارەیان بەشێوەیەکی بەرچاو کەمیکردووە و زۆربەیان کۆچیانکردووە بۆ ئەوروپا و ئەمریکا و کەنەدا، بۆیە ئێستا بوونەتە کەمینەیەکی کەم له رۆژئاوای كوردستان.
ماڵی ئێزدیی لە ساڵی 2012 دامەزراوە و رێکخراوێکی کۆمەڵایەتییە و نزیکەی 60 ئەندامی هەیە و تایبەتە بە کاروباری ئێزدییەکانی رۆژئاوای کوردستان و سوریا بە گشتی. ماڵی ئێزدی لە دەڤەری جزیرە چالاکی جۆراوجۆر دەکات و پێکدێت لە چەند كۆمیتهیهكی جیاوازی وەک: كۆمیتهی رزگارکردنی کچان و ژنانی ئێزیدی لە دەستی داعش، كۆمیتهی پاراستنی داب و نەریتی ئێزیدی و ئایین و کهلتورهكهیان، ههروهها كۆمیتهكانی هونەری و گەنجان و ئابووری و ژنان و کۆمەڵایەتی و موڵکی کۆچبەرانی ئێزدی. هەر كۆمیتهیهكیش لە کۆمەڵگهدا پێویستیان بێت، ماڵی ئێزدی دایمەزراندووە و سەرپەرشتیان دەکات بۆ خزمەتکردنی كوردی ئێزدی لە باکوور و خۆرهەڵاتی سوریا.
لەلایەن ئیبراهیم قامیشلۆیی-ەوە ئامادەکراوە