لە رۆژی یەكشەممەی رابردوو 2/3/2025 –ەوە، خولی تۆپی پێی ئەستێرەكانی یانەكانی عیراق، پێی نایە هەفتەیەكی نوێی یارییەكانییەوە كە هەفتەی 22 –ە، لە ماوەی سێ رۆژدا سەرجەم یارییەكانی ئەم هەفتە نوێیە دەكرێن، تەنیا یاریی هەولێر و دهۆك دوادەخرێت لەبەر بەشدارییكردنی دهۆك لە خولی یانە پاڵەوانەكانی وڵاتانی كەنداودا.
رۆژی یەكشەممەی رابردوو ئەم یارییانە كران:
*نەوتی مەیسان 1 × 2 كەرخ – یاریگای مەیسان.
*نەوتی بەسرە 0 × 0 كەربەلا – یاریگای ئەلفەیحا.
*دیالە 2 × 0 حدود – یاریگای ئەلمەدینە.
قوە جەوی 0 × 0 نەفت – یاریگای شەعب.
دەبێت دوێنێش دووشەممە 3/3/2025، ئەم یارییانە کرابن؛
*ئەلقاسم × نەجەف – یاریگای فەیحا.
*زاخۆ × مینا - یاریگای زاخۆ.
*زەورا × كەربەلا - یاریگای زەورا.
*هەولێر × دهۆك - دواخراوە.
ئەمڕۆش سێشەممە 4/3/2025 بەم دوو یارییە، یارییەکانی ئەم هەفتە نوێیە کۆتاییان دێت؛
*كەرمە × نەورۆز – یاریگای رومادی.
*تەڵەبە × شورتە – یاریگای ئەلمەدینە.
تیپی یانەی نەورۆز ئەوە چەند یارییەكە ئەنجامەكانی روو لە باشبوونە و ئەنجامی زۆر باش لە یاریگای خۆی و دەرەوەی یاریگای خۆیدا تۆمار دەكات.
پاش ئەوەی دێربی كوردستانی 0X2 لە هەولێر بردەوە، دواتر رۆژی شەممە 15/2، لە نێو یاریگا و هاندەرانیدا 1X1 لەگەڵ زەورا یەكسان بوون، پاشان بۆ یاریی هەفتەی 21 رووبەڕووی یانەی دیالە بووەوە، یارییەكە لە بەغدا كرا و نەورۆز ئەنجامێكی باشی تری تۆماركرد و ئەمجارە 1X4 لە دیالەی بردەوە، بەم ئەنجامانە، ئێستا نەورۆز لە ناوەڕاستی لیستی ریزبەندیی یانە بەشدارەكاندایە و پلەی 10 -ی گرتووە و 30 خاڵی هەیە.
هەر سەبارەت بە یانە بەشدارەكانی كوردستان لەم خولەدا، ئەنجامی یاریی تیپەكانی كوردستان، لە هەفتەی 21 دا، زاخۆش بەردەوامە لە تۆماركردنی ئەنجامی زۆر باش و گرتنی لووتكەی ریزبەندیی و 2 × 1 لە تەڵەبەی بردووەتەوە، تەواوی ئەنجامی یاریی یانەكانی كوردستان لە هەفتەی 21 دا بەم شێوەیەیە:
*دهۆك × شورتە - سێشەممە 18/2- دواخرا.
*نەجەف 2 × 1 هەولێر.
*زاخۆ 2 × 1 تەڵەبە.
*دیالە 1× 4 نەورۆز.
ئێستا یانەی زاخۆ هەر لە لووتكەی ریزبەندیدا ماوەتەوە و زەورا دووەم و شورتە سێیەمە و یەكەم تا شەشەمی ریزبەندییش بەمشێوەیەیە:
-1 زاخۆ (21 یاری)(42 خاڵ).
-2 زەورا (21 یاری)(40 خاڵ).
-3 شورتە (19یاری)(38 خاڵ).
-4 قووە جەوی(21 یاری)(37 خاڵ).
-5 دهۆك (19 یاری)(34 خاڵ).
-6 تەڵەبە (20 یاری)(34 خاڵ).
