دووەم پاڵەوانێتیی نەیشنس لیگی خانمانی ئەوروپا

رۆژی هەینی رابردوو 21/2، كاروانی یارییەكانی دووەمین نەیشنس لیگی خانمانی ئەوروپا – 2025، كەوتەڕێ و جەولەی یەكەمی یارییەكانی بەڕێوەچوو.
هەروەك لە سیستمی نەیشنس لیگدا پەیڕەو دەكرێت، سەرجەم هەڵبژاردەكانی خانمانی ئەوروپا بەسەر 4 ئاست یان خولی (A-B-C-D) دا دابەشكراون، هەر ئاستەش چوار گروپی 4 هەڵبژاردەیی لەخۆ دەگرێت، ئەوەتا ئاستی (A) كە هەڵبژاردە بەهێزەكانی لەخۆگرتووە، بەمشێوەیە بەسەر چوار گروپدا دابەشكراون:
* گروپی یەكەم (سكۆتلەندا، هۆڵەندا، ئەڵمانیا، نەمسا).
* گروپی دووەم (سویسرا، نەرویج، ئایسلەندا، فەرنسا).
* گروپی سێیەم (ئیسپانیا، پورتوگال، ئینگلتەرا، بەلجیكا).
* گروپی چوارەم (ئیتاڵیا، دانیمارك، سوید، وێڵز).
لەسەرجەم ئاستەكانی ئەم پاڵەوانێتییەدا، یارییەكان رۆژی هەینی رابردوو 21/2 دەستپێكرد،تەواوی ئەنجامی یارییەكانی ئاست یان خولی (A)  بەمشێوەیە بوون:
* گروپی یەكەم (هۆڵەندا 2 × 2 ئەڵمانیا)(نەمسا 1 × 0 سكۆتلەندا).
* گروپی دووەم (سویسرا 0 × 0 ئایسلەندا)(فەرەنسا 1 × 0 نەرویج).
* گروپی سێیەم (ئیسپانیا 3 × 2 بەلجیكا)(پورتوگال 1 × 1 ئینگلتەرا).
* گروپی چوارەم (دانیمارك 1 × 2 سوید)(ئیتاڵیا 1 × 0 وێڵز).
رۆژی سێشەممە 25/2،جەولەی دووەمی یارییەكانیش كران و تەواوی ئەنجامی یارییەكان بەمشێوەیە بوون:
* گروپی یەكەم (سكۆتەلەندا  1 × 2 هۆڵەندا)(ئەڵمانیا 4 × 1 نەمسا).
* گروپی دووەم (نەرویج 2 × 1 سویسرا)(فەرەنسا 3×  2 ئایسلەندا).
* گروپی سێیەم (ئینگلتەرا 1 × 0 ئیسپانیا)(بەلجیكا 0 × 1پورتوگال).
* گروپی چوارەم (ئیتاڵیا 1 × 3 دانیمارك)(وێڵز 1 × 1 سوید).
ئەم یارییانەی پاڵاوتن لەسەرجەم ئاست و گروپەكاندا تا مانگی ئەپریلی ئایندە دەوەستن و پاشان 4/4 دوو جەولەی تری یارییەكان دەکرێن.