خـــانـــەقیـــن

 شیعری
مەسعود ئەركەوازی

 

را ئەو قــــــەرە دوســد دیرم 
چـــمان كوتیــگیـد لە دڵــــم
ئەگەر یەگڕوژ لە لید دیور بوم
چــمان لەنام سەحرایگ وڵم
چــەنـی جـوانە باخـەگانــــد
گــــوڵ و دەیــشت و دارســاند
هەركی تیەیگە ناو ئەی شارە
تواد خـوەی بـكدە قــوربانــد
ئەر بیەنەپیم ماڵ لە جەنەت
بــومـــە خـاون مــڵكە دنیــا
خانـەقیـنم وەكەس نیـەدەم
دوســی دیرم خوەی وەتەنیا
من خانەقین وەگ قبلەمـە
دڵ و رۆح و هــەناسـەمــــە
هەواگەی جیور دەرمانە رام
دەوای دەردە گشت كەسمە
تـو بـەهـەشت ســەرزەمینید
دڵ خوەشی گشت خانەقینید
یـــەچــەنـی جــــوان و شرینیـد
خوەد شارەگــەی دڵنیشینیـد
چــــەنی تواســن دژمنەگــان
بـــفەوتنــن ناو نیشــانمــــان
نـــەتوەنستن كاری بكـــــــەن
جــــیوازی بــخنـە بەینمـــــان
لە خــانەقیـــن فــــەرقی نییـە
شــیعەیـد سنید یا كاكەیــــــی
كورد زووانیــــم برای یەكیــم
هیوچ وەختی بەینمان نیەشیوی
ئەی شارە جی كورد نیشینە
مــیژو زانی هەر كورد بیونە
غــەریـب لەناوی مـــــیوانــە
ئاخــرەگەی هەر دەرچینـــە
خانەقین تو تاج سەرید
شاریگ نییە جیو تو جوان
نیە گوڕمەد وەگشت دنیا
گەر بیەنەپیم گشت هەندەران

# خانەقین